好彩?黑過墨斗?

上星期都唔知做錯左乜事
黑過墨斗,星期3就輸錢,星期4就抄車,星期5就俾個同事整親隻手,冇左2隻指甲
係唔係好黑呢?
我答你就唔係,y?
我抄電單車都死唔去,仲係係個馬路到轉左4,5個圈
起番身都係隻手腳損左,咁仲唔係好彩>.< 最慘部車就要羅2千幾整番好o者

命中注定我愛你

最近睇完呢套(命中注定我愛你)

超好睇,好多感情位

個女主角唔係太靚,但係佢做到一個平凡既女仔feel

男主角太似我(d性格)唔係太想講佢

但係實左太好睇,太感人

好睇過hk 個d xx寶氣多多聲

電單車

最近買左電單車啦!!!!!!!!開心死人

而家日日都開黎返工放工周圍去

好好玩.

日本一遊

我耐冇寫BLOG,唔好意思(鬼叫我懶咩)

新年去左轉日本玩,日本真係一個好地方

好多新事物,新玩意(最緊要多靚女睇^^)

好好玩,有機會一定要去多次

但係好貴呢!!!!!>.< 我同朋友去自由行10日用左2萬幾(但係都值得既)

去完之後我個心情都好左好多

已前我同我前女友好想一齊去日本玩

而家得我自己去,佢冇份去(真係唔好意思)

我地分手都一年,冇掛住佢就呃你地既

希望佢早D搵到個愛人同佢一齊去日本玩番轉啦!!!!!!!!

情場失意,賭場得意

原來人真係情場失意賭場就得意係o岩架!
我同我女朋友分左手後唔知點解賭波又贏打牌又贏
古語話:情場失意,賭場得意
我有小小明白呢個道理,贏錢係好開心
但係如果俾我從頭選擇一次,我一定會唔左賭錢
須言我唔係賭得好大,但係我前女友唔鐘意(呢個都係分手原因之一)
最近有個廣告係咁:贏左場架,輸左頭家
我就係咁講:贏左場牌,輸左條女

唉~~~~~~~~~~

原來同我女朋友已經相識左12年,拍拖拍左7年幾,直係好長既時間
諗番起呢7年黎,我乜野都冇俾過佢,答應佢做既野又好多都做唔到.
佢係分手時講左好多野俾我聽,係o個陣時我先知原來我對佢係幾咁唔好.
我覺得我直係冇鬼用,佢係背後一直咁支持我,係佢父母面前將我d衰野隱瞞晒.
佢為我負出左咁多野,我仔係掛住去玩,冇理過佢既感受,
我好後悔
我好內疚
我好掛住佢,每一晚時光好似識返轉頭
一路一路諗番起呢7年黎我同佢既日子
有開心有唔開心,但係同佢一齊咁多年黎
我個心一直都冇變過,唔知點解遊我識佢o個一該咁
好似命中注定係佢,所以咁多年黎我都冇識過其他女仔
但係命運係會捉弄人,分開左......心痛.......心痛
我好想佢原諒我,我今次唔會再令你失望
我唔左去玩,唔左賭,乜到聽晒你話

失戀聽既歌

最近我聽左好多歌發現左幾首好o岩我而家聽既
本周推介:吳雨霏逼得太緊
如我知錯 可否乃念最初再苦都快樂過要告別懲罰我 怎可你 太重要使我淚亦落得多呢段好正,因為我都想我女朋友係原諒我
古巨基愛得太遲最心痛是 愛得太遲 有些心意 不可等某個日子盲目地發奮 忙忙忙其實自私 夢中也習慣 有壓力要我得志